Nə qədər arzular getdi qəlbində, Nə qədər xəyallar getdi səninlə, Qısa ömründə üzün güldümü, Xoşbəxt yaşadınmı Şəhid Qardaşım..!? Səni vura...
Nə qədər arzular getdi qəlbində,
Nə qədər xəyallar getdi səninlə,
Qısa ömründə üzün güldümü,
Xoşbəxt yaşadınmı Şəhid Qardaşım..!?
Səni vuran o namərdi əlimlə,
Kaş öldürmək qismət olaydı mənə.
Sənin qisasını aldı əsgərlər,
İndi xoşbəxtsənmi Şəhid Qardaşım..!?
Sən Anandan heçdə nigaran qalma,
Anan səndən əmanətdir bizlərə,
Nigaran qalma qardaş,bacından
Orda xoşbəxt ol Şəhid Qardaşım.
Həyatın çox çətin anları olur,
Gedəni qaytarmaq olmur Elşənim.
Hər an düşünürəm gözlərim dolur,
Qurumur gözlərim bir an Elşənim.
İnan ki, hər bir an qəlbimizdəsən,
Bu gözəl xalqının ürəyindəsən,
Vətənin əsl mərd,qəhrəmanısan
Biz sənsiz neylərik axı Elşənim.
Gülən gözlərini özlədim sənin,
Gözəl avazını özlədim sənin,
O təmiz qəlbini özlədim sənin,
Nur üzlü qardaşım-Şəhid Elşənim.
Səninlə qürur duyur inan xalqımız,
Sən mənim fəxrimsən igid Muxtarım.
Çox özlədim səni geri dön artıq,
Həyat nə çətindir sənsiz Muxtarım.
Vətənin sənin kimi igid oğlu var,
Səni çox sevən oğlu, qızı var.
Daim qəlbimizdə sənin yerin var,
Ruhun şad olsun-Şəhid Muxtarım💔🇦🇿🤲
Həyatda nə qədər çətinliklərdən,
Keçərək zəfərlə addımladın sən.
Həyatın qanunu bu imiş məgər,
Getdin qayıtmadın Şəhid Sadiqim.
Bu həsrət çətinmiş dözə bilmirəm,
Sənsizlik ağırmış indi bilirəm,
İnan bir qanadı sınmış kimiyəm,
Məni dayaqsız qoyub getdin Sadiqim.🥀
Şəhidlik oldu qismətin sənin,
Gözəl mərtəbəyə yüksəldin Mehrab.
Qarabağ uğrunda canını verdin,
Xalqının gözündə dağ oldun Mehrab.
Bu necə bir hissdir anlatmaq olmur,
Həm kədər hissidir həm də ki qürur,
Gedəndən göz yaşlarım inan qurumur,
Ruhun şad olsun Şəhid Mehrabım. 😣🥀